- Работно време од 08:00 - 18:00
- #B2CHeaderEmailAddress#
Неапол 8ми Март
- Општи информации
- Галерија
НЕАПОЛ – 8 МАРТ 2027
Неапол – град со посебна магија
Неапол, од својот шармантен брег под сенката на Везув, до живиот и историски центар, е град со посебна енергија и атмосфера.
Неговата положба како место на средба на различни народи уште од античко време имала големо влијание врз неговиот развој, правејќи го значаен културен центар.
Улиците на Неапол се исполнети со уметнички и архитектонски богатства, традиција, живописни квартови и природни атракции.
Од прекрасната храна и традиционалната наполитанска пица, до динамичниот градски живот, Неапол нуди автентично италијанско доживување.
Програма на патувањето
Состанок на групата на скопскиот аеродром.
Полетување кон Неапол во 12:25 часот со директен лет на авиокомпанијата Wizz Air.
Пристигнување на аеродромот во Неапол во 14:00 часот.
По пасошката и царинската контрола следува организиран трансфер до хотелот.
Сместување во хотел и слободно време за одмор.
Во вечерните часови следува првото запознавање со Неапол со придружникот од агенцијата.
Ноќевање.
Појадок во хотел.
По појадокот можност за факултативна посета на еден од најпознатите делови на италијанското крајбрежје – Амалфитанскиот брег.
Брегот Амалфи е вклучен на листата на светското наследство на UNESCO како извонреден пример на медитерански пејзаж со голема културна и природна вредност.
Позитано и Амалфи
Во рамките на посетата ќе имате можност да уживате во дел од најпознатите места на брегот – Позитано и Амалфи, како и во автентичната атмосфера на малите крајбрежни населби.
Ќе уживаме во прекрасните пејзажи, високите карпи, волшебните заливи и терасите со цитрусни овошја, лозја и маслинови дрвја.
Регионот е познат и по продавниците за висока мода, локалните производи и занаетчиските работилници.
Во договорено време враќање во хотел.
Ноќевање.
Појадок во хотел.
Препорачуваме факултативна посета на еден од најпознатите и најегзотични острови во Италија – Капри.
Островот е познат по стрмните карпи, тиркизното море, легендарната Сина пештера, медитеранската вегетација и прекрасните пејзажи.
Капри со векови ги привлекува уметниците, познатите личности и љубителите на автентичното италијанско доживување.
Патување до Капри
Следува возење со јавен трансфер до пристаништето, кој не е вклучен во цената, а потоа качување на катамаран кон островот Капри.
По пристигнувањето во пристаништето Marina Grande, следува трансфер до Анакапри.
Анакапри
Можност за посета на Villa San Michele, позната по бројните антички артефакти и прекрасната градина.
Исто така, постои можност за возење со жичарница до видиковецот Monte Solaro, од каде се пружа прекрасен поглед кон островот и Неаполскиот Залив.
Следува слободно време за еспресо и традиционално италијанско корнето.
Град Капри
Продолжуваме кон градот Капри, сместен на околу 142 метри надморска височина.
Разгледување на:
- Плоштадот Умберто I – Piazzetta
- Катедралата Св. Стефан
- Августовите градини
Следува прошетка по главната улица со луксузни вили, хотели, ресторани и бутици на светски познати модни брендови.
Фараљони
Од видиковецот се пружа поглед кон познатите Фараљони, необичните карпи кои се еден од најпознатите природни симболи на островот.
Следува слободно време за ручек во некоја од типичните таверни и уживање во убавините на Капри.
Во попладневните часови враќање со брод, а потоа во договорено време враќање во хотел.
Ноќевање.
Појадок во хотел и одјавување.
Последниот ден е наменет за дополнително уживање во Неапол.
Пешачка тура низ Неапол
Препорачуваме пешачка тура низ градското јадро со локален водич, со можност да го запознаете стариот дел на градот и неговите историски знаменитости.
Следува слободно време за традиционална наполитанска пица Маргарита, италијанско кафе и неизбежното џелато.
Во договорено време следува организиран трансфер до аеродромот.
Полетување кон Скопје во 14:35 часот со директен лет на авиокомпанијата Wizz Air.
Слетување во Скопје во 16:05 часот.
Во цената е вклучено
✈️ Лет и трансфери
- Директен лет Скопје – Неапол – Скопје со Wizz Air
- Аеродромски такси
- Мала кабинска торба 40 × 30 × 20 cm
- Организирани трансфери аеродром – хотел – аеродром
🏨 Сместување и програма
- Сместување во хотел 3★ на услуга BB
- 3 ноќевања со појадок
- Организирани прошетки според програмата
- Разглед на Неапол – пешачка тура
- Организација на аранжманот
- Придружник за време на патувањето
Во цената не е вклучено
- Туристичка такса – 5 € по лице / ноќ – се плаќа во хотел
- Доплата за еднокреветна соба – 100 €
- Патничко осигурување
- Екскурзија Позитано + Амалфи – 85 €
- Екскурзија до Капри – 105 €
- Јавен трансфер до пристаништето за екскурзијата до Капри
- Индивидуални влезници и дополнителни активности за време на екскурзиите, доколку не се наведени како вклучени
Дополнителни екскурзии
ПОЗИТАНО & АМАЛФИ
Во цената се вклучени:
- трансфер
- локален водич
- претставник од агенцијата
ОСТРОВОТ КАПРИ
Во цената се вклучени:
- трансфер во рамки на екскурзијата
- локален водич
- претставник од агенцијата
Јавниот трансфер до пристаништето не е вклучен.
За реализација се потребни минимум 16 пријавени патници.
Важно за дополнителните екскурзии
Поради потребата од навремено резервирање на трансфери и влезници за наведените екскурзии, клиентите мора да се изјаснат за истите при резервација на патувањето.
Реализацијата на екскурзиите зависи од бројот на пријавени патници и достапноста на влезници во моментот на резервирање.
За реализација се потребни минимум 16 пријавени патници.
Агенцијата не гарантира реализација доколку клиентот се одлучи за посета на лице место.
Реализацијата на основната програма не зависи од реализацијата на дополнителните екскурзии.
Општи напомени
- Организатор на аранжманот е Т.А. АтлантиС.
- Резервација се прави со уплата од 30% од вкупниот износ на аранжманот.
- Целосната уплата на аранжманот се врши 15 дена пред почетокот.
- Цените на аранжманот се дадени во евра, а уплатата се врши во денарска противвредност по курс 1 € = 62 денари.
- За реализација на аранжманот се потребни минимум 20 пријавени патници.
- За ова патување е потребен пасош со важност од минимум 90 дена по завршувањето на аранжманот.
- Организаторот го задржува правото да ја промени цената на аранжманот во случај на промена на цената на превозот или хотелот.
- Во случај на недоволен број пријавени патници, организаторот го задржува правото да го откаже аранжманот во целост 5 дена пред датумот на започнување.
- Организаторот го задржува правото за промена на цените на факултативните излети во случај на промена на цената на влезниците на локалитетите и музеите.
- За време на панорамскиот разглед на градот не се предвидени посети во внатрешноста на јавните згради, институции или културни споменици.
- Организаторот го задржува правото за промена на редоследот на реализација на програмата.
- Организаторот го задржува правото за промена на програмата во случај на непредвидени објективни причини, како застој на граница, доцнење на летот, застој во сообраќајот, затвореност на некој од локалитетите предвидени за посета и слично.
05.03.2027 – 08.03.2027
4 ДЕНА / 3 НОЌЕВАЊА
ЦЕНА ПО ЛИЦЕ 409 €
За оваа програма важат Општите услови за патување на СКТМ и Т.А. АтлантиС.






