- Работно време од 08:00 - 18:00
- #B2CHeaderEmailAddress#
Мадрид Декември
- Општи информации
- Галерија
МАДРИД
Мадрид – срцето на Шпанија
Мадрид е познат по своите музеи, прометни улици исполнети со продавници, ресторани со светска кујна и незаборавен ноќен живот.
Градот ќе ве изненади и со своите мирни историски места, кои ги шармираат сите што поминуваат покрај нив.
Кога е време за јадење, Мадрид нуди огромен избор – од традиционални барови во кои можете да откриете што значи вистинскиот castizo дух, до безброј места каде можете да уживате во познатите тапас.
Автентичноста на Мадрид е тешко да се надмине. Гостопримлив, разновиден, весел и жив во секое време, тој без сомнение е еден од најинтересните градови во Европа.
Програма на патувањето
Состанок на групата на скопскиот аеродром во 15:05 часот.
Полетување кон Мадрид во 17:05 часот со директен лет на авиокомпанијата Wizz Air.
Пристигнување на аеродромот во Мадрид во 20:45 часот.
По пасошката и царинската контрола следува организиран трансфер до хотелот.
Сместување во хотел. Ноќевање.
Појадок во хотел.
По појадокот можност за организирана пешачка тура со локален водич, која го опфаќа таканаречениот Хабсбуршки Мадрид.
Овој дел од градот бил создаван главно во XVI и XVII век, иако за време на турата ќе видиме и места кои потекнуваат од подоцнежни периоди.
Puerta del Sol
Разгледот започнува од Puerta del Sol, плоштадот каде традиционално се дочекува Новата година.
Plaza Mayor
Продолжуваме кон Plaza Mayor, каде се одржале првите „официјални“ борби со бикови во Мадрид, како и бројни други историски настани.
Mercado de San Miguel и Botín
Следува прошетка кон пазарот Mercado de San Miguel и најстариот ресторан во градот – Botín.
Продолжуваме по улицата Mayor, поврзана со еден од првите масовни атентати во историјата на Шпанија.
Алмудена и Кралската палата
Потоа се упатуваме кон Катедралата Алмудена. Во зависност од тоа дали во моментот има миса, можна е посета на внатрешноста.
Следува разглед на Кралската палата, најголемата палата во Западна Европа, споменикот на Филип IV и Кралската опера.
По завршувањето на пешачкиот разглед следува слободно време за индивидуални активности.
Индивидуално враќање во хотел. Ноќевање.
Појадок во хотел.
За денешниот ден е предвидена можност за факултативна посета на Толедо.
Регионот е познат по жолтите пченични полиња, осамените замоци, ветерниците и приказната за Дон Кихот.
По приближно едночасовно возење пристигнуваме во Толедо – старата престолнина на Шпанија и еден од најубавите градови во земјата.
Панорама на Толедо
Предвиден е панорамски поглед од брегот на реката Тахо, со прекрасна панорама кон градот и палатата-тврдина Алказар.
Стариот град
Следува прошетка низ историскиот центар, познат по бројните градби кои претставуваат прекрасни примери на мавританската и средновековната архитектура.
Толедо е познат и по традиционалното производство на марципан.
Катедралата во Толедо
Обиколка на готската Catedral de Toledo, градена во периодот од XIII до XV век.
Предвиден е разглед на олтарот и ризницата, каде се наоѓаат дела и апостолати на Ел Греко.
Во договорено време враќање назад во Мадрид.
Ноќевање.
Појадок во хотел.
Слободен ден за индивидуални активности во Мадрид.
Предлагаме прошетка по познатата трговска улица Gran Vía или посета на главниот градски парк – Retiro.
Во паркот се наоѓа величествениот споменик на Алфонсо XII, како и прекрасните Palacio de Velázquez и Palacio de Cristal.
Индивидуално враќање во хотел.
Во договорено време следува организиран трансфер до аеродромот.
Полетување кон Скопје во 21:25 часот.
Пристигнување на скопскиот аеродром во 00:50 часот.
Во цената е вклучено
✈️ Лет и трансфери
- Директен лет Скопје – Мадрид – Скопје со Wizz Air
- Аеродромски такси
- Мала кабинска торба 40 × 30 × 20 cm
- Организирани трансфери аеродром – хотел – аеродром
🏨 Сместување и организација
- Сместување во хотел 3★
- 3 ноќевања со појадок
- Организирани прошетки според програмата
- Организација на аранжманот
- Придружник на патувањето
Во цената не е вклучено
- Туристичка такса: 5 € по лице / ноќ – се плаќа во агенција
- Доплата за еднокреветна соба: 105 €
- Патничко осигурување
- Билети за јавен превоз со метро
- Пешачки разглед со локален водич – 35 €
- Посета на Толедо со организиран трансфер и локален водич – 85 €
- Задолжително пријавување на минимум една факултатива во агенција
Дополнителни екскурзии
ПЕШАЧКИ РАЗГЛЕД НА МАДРИД
Организиран пешачки разглед со локален водич низ историскиот Хабсбуршки Мадрид.
Разгледот опфаќа:
- Puerta del Sol
- Plaza Mayor
- Mercado de San Miguel
- ресторан Botín
- улицата Mayor
- Катедралата Алмудена
- Кралската палата
- споменикот на Филип IV
- Кралската опера
ТОЛЕДО
Факултативната посета вклучува:
- организиран трансфер
- локален водич
Посета на старата шпанска престолнина со панорамски поглед кон градот, прошетка низ историскиот центар и запознавање со најпознатите знаменитости на Толедо.
Важна напомена за факултативите
Поради потребата од навремено резервирање на трансфери и влезници за наведените факултативи, клиентите мора да се изјаснат за истите при резервација на патувањето.
Реализацијата на факултативите зависи од:
- минимум 16 пријавени патници
- достапност на влезници во моментот на резервација
Не се гарантира влез доколку клиентот се одлучи за факултативна посета дури на лице место.
Реализацијата на основната програма не зависи од реализацијата на факултативните посети.
Патни документи
За ова патување е потребен важечки пасош со важност од минимум 90 дена по завршувањето на аранжманот.
Начин на плаќање
Резервација
30% од вкупниот износ на аранжманот.
Целосна уплата
Најдоцна 15 дена пред почетокот на патувањето.
Општи напомени
- Организатор на аранжманот е Т.А. Атлантис.
- За реализација на аранжманот се потребни минимум 20 пријавени патници.
- Организаторот го задржува правото да ја промени цената на аранжманот во случај на промена на цената на превозот или хотелот.
- Во случај на недоволен број пријавени патници, организаторот го задржува правото да го откаже аранжманот во целост 5 дена пред датумот на започнување.
- Организаторот го задржува правото за промена на цените на факултативните излети во случај на промена на цените на влезниците на локалитетите и музеите.
- За време на панорамскиот разглед на градот не се предвидени посети во внатрешноста на јавните згради, институции или културни споменици, освен доколку тоа не е посебно наведено.
- Организаторот го задржува правото на промена на редоследот на реализација на програмата.
- Организаторот го задржува правото на промена на програмата во случај на непредвидени објективни причини, како застој на граница, доцнење на летот, застој во сообраќајот, затвореност на некој од локалитетите предвидени за посета и слично.