Поаѓање од паркингот на Хотел Русија околу 16:00 часот од Скопје.

Попатни застанувања за качување на други патници, по што следува ноќно возење со попатни паузи и царински формалности.

За време на патувањето следува презентација на програмата и информации за начинот на реализација на патувањето.

Туристичките придружници се обучени и искусни во спроведување на протоколот за безбедност при патувањето.

Ноќно возење.

Пристигнување на групата во Истанбул.

Групата се упатува кон хотелот заедно со својот багаж, кој се остава во просторија предвидена за чување багаж.

Туристичкиот придружник е задолжен за комуникацијата со рецепцијата и распределбата на клучевите од хотелските соби.

Капали Чаршија

По пристигнувањето, околу 10:00 часот, патниците се упатуваат на пешачка тура до Капали Чаршија, Сината џамија и Аја Софија.

Групата заедно со туристичкиот придружник се упатува до влезот, по што следува слободно време за индивидуално разгледување и пазарење.

Враќањето кон хотелот е индивидуално, бидејќи локациите се на околу 20 минути пеш од хотелите.

Капали Чаршија е еден од најголемите покриени пазари, со повеќе од 3.000 продавници.

Се наоѓа во стариот дел на Истанбул, во населбата Фатих.

Аја Софија

Следува посета на просторот околу Аја Софија.

Влегувањето во објектот е индивидуално поради големиот број посетители и долгите редици за влез.

Во договорено време враќање во хотел.

Слободно време за одмор и подготовка за новогодишната прослава.

Новогодишен дочек на Босфор

Можност за факултативен новогодишен дочек на приватен брод на Босфор.

Појадок во хотел.

Слободно време.

Во 12:00 часот започнува реализацијата на факултативните посети.

Крстарење по Босфор

Предвидено е едночасовно крстарење по Босфор.

Можност да го видите Истанбул од поинаква перспектива – луксузни вили, Босфорскиот мост и бројни знаменитости долж брегот.

За време на крстарењето локалниот водич ќе ја претстави историјата на најзначајните локации.

Крстарењето започнува од европската страна, а бродот пристигнува на азискиот дел на Истанбул.

Балат

Следува посета на Балат, една од познатите христијански населби во Истанбул.

Во овој дел се наоѓаат бројни цркви, меѓу кои и Железната црква.

За време на посетата се посетува и Христијанската патријаршија, каде влегувањето е индивидуално.

По посетата следува околу час и половина слободно време за прошетка по уникатните шарени улички на Балат.

Можност за турско кафе варено на песок и индивидуални фотографии.

Таксим и Истиклал

Турата продолжува кон плоштадот Таксим, еден од главните центри на градот.

Покрај Таксим поминува познатата улица Истиклал, по која се движи историскиот трамвај.

Улицата е позната по бројните кафулиња, продавници и места за забава.

Слободно време за индивидуални активности.

Ноќевање.

Појадок во хотел.

Слободно време.

Во 12:00 часот започнува реализацијата на факултативната посета.

Палатата Јилдиз

Палатата Јилдиз се наоѓа во населбата Бешикташ, на европската страна на Истанбул, во комплекс опкружен со зеленило, градини и историски павилјони.

Комплексот започнал да се развива за време на султанот Селим III, а најмногу бил проширен за време на султанот Абдулхамид II.

Абдулхамид II ја користел Јилдиз како своја главна резиденција и од неа ја водел државата 33 години.

Јилдиз не била само резиденција, туку голем комплекс со административни згради, приватни простории, работилници, библиотека, театар и градини.

Палатата Јилдиз е последниот голем палатски комплекс изграден од Отоманската Империја.

Ортаќој

Околу 16:00 часот следува посета на Ортаќој, една од најпознатите туристички области во Истанбул.

Се наоѓа на европската страна, веднаш под Босфорскиот мост.

Од овој дел се отвора поглед кон познатата Ортаќој џамија.

Ортаќој е познат по кафулињата, баровите, крајбрежната атмосфера и традиционалниот специјалитет турски компир – kumpir.

Слободно време за прошетка, фотографирање и индивидуални активности.

Ноќевање.

Појадок во хотел.

Одјавување околу 10:00 часот.

KOSKA

Следува посета на продавницата за традиционални слатки KOSKA.

Можност за купување локум, баклава, чоколадирани ф'стаци, лешници, бадеми и други традиционални турски производи.

Outlet 212

Од KOSKA се упатуваме на шопинг во Outlet 212.

Во трговскиот центар групата ќе има околу 2,5 до 3 часа слободно време за шопинг.

По завршувањето следува поаѓање кон Македонија.

Предвидено пристигнување во Скопје после полноќ.